• Nxënësit

  • » Notat
  • » Libraria online

• Mirësevini!
• Njoftime
• Mbi shkollën
• Foto galeri
• Regjistrimet
• Stafi
• Këshillimi
• Biblioteka
• Klubet
• Për prindërit
• Aktivitete / Projekte
• Profil Ernest Koliqi
• Kontakt

 

29 mars 2014 | Konkursi i bursave 2014

Shkolla "Ernest Koliqi" organizon konkursin e bursave për nivelin e gjimnazit. Konkursi do të zhvillohet me shkrim në mjediset e shkollës të shtunën, datë 29 mars 2014 në orën 09:00. Testimi do të përfshijë pyetje nga matematika, logjika, gjuhë-letërsia, fizika, kimia dhe biologjia mbi bazën e programit publik të shkollave 9-vjeçare.

Shkolla do të ofrojë disa bursa të plota dhe të pjesshme, por numri i tyre do të përcaktohet nga niveli i pjesëmarrësve.

Nxënësit e klasave të IX të interesuar për të marrë pjesë duhet të plotësojnë paraprakisht formularin e gatshëm online në faqen e Internetit të shkollës.

Pjesëmarrja është e hapur për të gjithë nxënësit nga shkollat publike dhe private. Pas testimit, nxënësit pjesëmarrës janë të ftuar të qëndrojnë për drekë në mensën e shkollës për t'u njohur me stafin.

Shkolla “Ernest Koliqi” ndodhet në autostradën Tiranë-Durrës, rreth 800 metra përtej QTU-së, por në kahun e kundërt. Në faqen tonë të Internetit ndodhet edhe një hartë orientuese.

 

Prej shtatorit “Ernest Koliqi” do të hapë edhe shkollën 9-vjeçare

Hapja e klasave 1-9 synon të edukojë nxënësit tanë që në hapat e parë shkollorë me mendësinë dhe edukatën e punës sistematike. Pranimi do të jetë i kufizuar me vetëm dy klasa nga 16 nxënës për secilin nivel. Nxënësit e klasave 6-9 do të pranohen vetëm pas kalimit të një testi njohurish.

 

Prej të hënës 29 prill, shkolla 12-vjeçare “Ernest Koliqi” NIS REGJISTRIMET për vitin shkollor 2013-2014.

Regjistrimet për klasat I - V bëhen pas një interviste me prindërit. Meqenëse shkolla përzgjedh nxënës me rezultate të larta, për klasat 6-9 dhe për gjimnazin regjistrimi bëhet vetëm pas kryerjes së testit pranues në lëndët e matematikës dhe letërsisë.
Për klasat I - IX do të hapen vetëm nga 2 klasa për secilin nivel, me nga 16 nxënës secila, ndërsa për gjimnazin 4-5 klasa, përsëri me 16 nxënës secila. Regjistrimet zgjasin deri në momentin e plotësimit të numrit të caktuar të nxënësve dhe klasave.
Prindërit e interesuar për të marrë informacionet e plota mund të vizitojnë shkollën në vendodhjen aktuale, çdo ditë jave nga ora 12.30 deri në orën 15.00. Telefon: 0682000767, E-mail: info@ernestkoliqi.com.

 

Filozofia jonë

Të gjithë i njohim problemet e shkollave në Shqipëri. Megjithatë funksionimi i një shkolle të mirë është i vështirë, por plotësisht i realizueshëm nëse punohet me përgjegjësi dhe përkushtim. Prandaj në shkollën franko-shqiptare "Ernest Koliqi" ne udhëhiqemi nga 7 parimet e mëposhtme:

• Të gjithë nxënësit konsiderohen dhe trajtohen të barabartë. Secilit nxënës i jepet vëmendje maksimale individuale, por askush nuk privilegjohet. Secili merr notën që meriton.
• Çdo nxënës është i aftë të mendojë në mënyrë kritike, krijuese e të pavarur. Të mësuarit përmendësh shmanget përmes metodës së mësimdhënies dhe kontrollit të dijeve. Ky është i vetmi gjimnaz që përfshin lëndën e "Logjikës dhe mendimit kritik" në kurrikulumin e tij.
• Çdo nxënës ka individualitetin, personalitetin dhe prirjet e tij dhe ne synojmë t'i nxisim ato në përfitim të tij.
• Prindërit janë partnerët tanë më të rëndësishëm dhe komunikimi me ta është thelbësor në arritjen e rezultateve.
• Puna e mësuesit me nxënësit nuk mbaron në klasë, por vetëm fillon aty. Për këtë arsye, mësuesit komunikojnë, monitorojnë, mbështesin dhe inkurajojnë nxënësit edhe pas përfundimit të mësimit përmes diskutimit në zyrë ose angazhimit në klubet e shkollës.
• Metodat e reja të mësimdhënies e bëjnë mësimin jo vetëm efikas, por edhe të këndshëm. Të mësuarit serioz nuk ka pse të jetë stresues, ose i mërzitshëm.
• Një shkollë e mirë nuk nxjerr vetëm nxënës të aftë, por edhe qytetarë të përgjegjshëm.

 

Për të realizuar këto parime punon një staf i kualifikuar e me përvojë, i përbërë nga mësues shqiptarë e të huaj. Bashkëpunimi me gjimnazet franceze mundëson marrjen e përvojave më të suksesshme bashkëhore të mësimdhënies. Infrastruktura, teknologjia dhe kushtet e tjera e bëjnë shkollën tonë një mjedis të përshtatshëm për mësim.

 

Ne besojmë tek nxënësit tanë. Ne besojmë se secili prej tyre ka një të ardhme të suksesshme përpara tij dhe misioni ynë është ta ndihmojmë ta krijojë që tani.