GCSE dhe A-Level

Shkolla ofron programet ndërkombëtare GCSE (General Certificate of Secondary Education) që i korrespondon klasave IX-X në sistemin shqiptar dhe A-Level (Advanced Level) që i korrespondon klasave XI-XII në sistemin shqiptar. Programi GCSE është dy-vjeçar dhe në përfundim të tij nxënësi i nënshtrohet provimeve të menaxhuar nga një qendër ndërkombëtare për secilën lëndë të zgjedhur (për lëndët e shtuara nga kurrikula shqip vlejnë vetëm provimet e parashikuara nga shteti shqiptar).

Pas diplomimit me sukses në nivelin GCSE nxënësit mund të vazhdojnë programin A-Level. Ky program është gjithashtu dy vjeçar dhe në përfundim të tij nxënësi duhet të japë provimet përkatëse të menaxhuar nga një qendër ndërkombëtare si dhe provimet e maturës në rast se ka vendosur që të marrë edhe certifikatën dhe diplomën e Maturës Shtetërore.

Rezultatet e provimeve A-Level janë të rëndësishme për pranimin në një numër të caktuar universitetesh të njohura në botë e sidomos në Angli. Disa prej këtyre universiteteve kërkojnë eksluzivisht nota maksimale për t’u pranuar në to.

Nxënësit që regjistrohen në vitin e parë të programit GCSE duhet të marrin edhe disa lëndë të kurrikulës shqip dhe të japin provimet e lirimit (PKAB).

Nxënësit që regjistrohen në programin A-Level mund të zgjedhin që të japin paralelisht edhe provimet e Maturës Shtetërore. Në këtë rast duhet të zgjedhin edhe disa lëndë të kurrikulës shqip për të plotëesuar kriteret e marrjes së certifikatës dhe diplomës së Maturës Shtetërore.